नेप्से ६.१६ अंकले बढ्यो, ५ अर्ब ३८ करोडको कारोबार

काठमाडौं –  आज साताको तेस्रो कारोबारका दिन  नेपाल स्टक एक्सचेञ्ज (नेप्से) ६.१६ अकंले बढेर २६४६.८४ बिन्दुमा कायम भएको छ । आज ३०५ कम्पनीको १ करोड २० लाख ८१ हजार कित्ता शेयर किनबेच हुँदा ५ अर्ब ३८ करोडको शेयर कारोबार भएको हो ।

नेप्से उपसमूहमा रहेका १३ वटा समूहमध्ये ८ वटा समूह बढेका छन् भने ४ वटा घटेका छन्। एउटा समूह स्थिर रहेको छ।  यसदिन ८ उपसूचकमा हरियाली देखिएको छ । आज फाइनान्स समूहको सर्वाधिक २.६५ प्रतिशत, विकास बैंक समूहको ०.८० प्रतिशत, हाइड्रोपावर समूहको ०.४२ प्रतिशतले शेयर मूल्य बढेको छ ।

मंगलबार  १२६ कम्पनीको शेयरमूल्य बढ्दा १०७ कम्पनीको घटेको छ। १० कम्पनीको शेयरमूल्य स्थिर रहेको छ। सर्वाधिक कारोबार सिन्धु विकास बैंकको १६ करोड ९२ लाख रुपैयाँको भएको छ।