राजमार्गका नाममा सामाखुसी देखि टोखा, विदुर सम्मका हजारौं घरधनी त्रासमा ! (पत्र सहित)

काठमाडौ – सरकारले सामाखुसी, टोखा, गुर्जे हुँदै नुवाकोटको विदुर पुग्ने सडकलाई राष्ट्रिय राजमार्गमा राखी सोही अनुसारको मापदण्ड कायम गर्ने सूचना स्थानीय तहलाई दिए पछि उक्त सडक मापदण्डमा पर्ने जनताहरूमा खैलाबैला भएको छ । सामाखुसी चोक देखि नुवाकोटको विदुर सम्म हजारौं घर नयाँ प्रस्तावित राजमार्गको मादण्डमा पर्ने भए पछि स्थानीयमा त्रास पैदा भएको छ । जीवन भरको कमाई लगानी गरेर जोडेको घर जग्गा बाटो विस्तारको नाममा मापदण्डमा परे पछि यति वेला हजारौ घर धनिको भोक प्यास हराएको छ । कतिपयको बैंकको ऋण छ भने कतिपयको घर निर्माण समेत सक्किएको छैन ।

यो निर्णयले टोखा नगर पालिका अन्तर्गतका घरहरु सवै भन्दा बढी प्रभावित हुने छन । सडक डिभिजन कार्यालयले टोखा नगर पालिकालाई पत्र पठाएर जानकारी गराए पनि नगर पालिकाले सरोकार पक्ष नगरवासीलाई सु – सुचित गरेको छैन (हेर्नुहोस पत्र) । वरू सडक डिभिजन कार्यालयले पठाएको मापदण्ड भन्दा १० फिट कम मै नक्सा पास गर्दै आएको छ ।

(सडक डिभिजन कार्यालय बबरमहलले टोखा नगर पालिकालाई पठाएको पत्र)

२०७६ जेठ ६ गतेको मन्त्री परिषद्को वैठकको निर्णय उल्लेख गर्दै सडक डिभिजन कार्यालयले टोखा नगर पालिकालाई पत्र पठाएको हो । उक्त समयमा तत्कालिन नेपाल कम्युनिष्ट पार्टीको सरकार थियो भने केपी शर्मा ओली प्रधानमन्त्री थिए ।

सरकारले सामाखुसी, टोखा, गुर्जे हुँदै विदुर पुग्ने सडकलाई राष्ट्रिय राजमार्गमा राखी सोही अनुसारको मापदण्ड कायम गर्ने सुचना जारी गरे पछि राष्ट्रपुकारले यस सम्बन्धी समाचार प्रकाशित गरेको थियो । सडक डिभिजन कार्यालय मिन भनवनले स्थानिय तहलाई पत्राचार गर्दै उक्त सडकको मध्य भागवाट दुई तर्फ २५ – २५ मिटर सडक मापदण्डमा पर्ने जानकारी गराएको छ । उक्त कार्यालयले २०८२ चैत्र ११ गते पठाएको पत्रमा उक्त सडक मापदण्डमा पर्ने उल्लेख गरेको छ । पत्र अनुसार अब सडकको मध्य भागवाट करिव ८१ फिटि एकतर्फी सडक मापदण्डमा पर्ने छ । सडकको कूल चौडाई करिव १ सय ६२ फिट हुन आउँछ ।

यो पनि हेर्नुहोस् ।

सामाखुसी, टोखा, झोर सडकमा २५- २५ मिटरको मापदण्ड : हजारौं घर प्रभावित !

सडक भिभिजन कार्यालय भरतपुरले बैंक तथा वित्तिय संस्थालाई ऋण प्रवाह गर्न मुल्याङको आधार तय गर्न पठाएको पत्रमा राजमार्गको मापदण्ड मध्यविन्दुबाट २५ -२५ मिटर कायम हुने र सेटेब्याक थप ६ – ६ मिटर हुने उल्लेख गर्दै भ्यालुयर्स एशोसियसनलाई पत्र पठाएको छ । (हेर्नुहोस पत्र) मन्त्री परिषद्‌को निर्णय उल्लेख गर्दै ८० वटा राजमार्गको छायाँ प्रति पाठइएको ब्यहोरा पत्रमा उल्लेख छ । यसलाई आधार मान्ने हो भने सडकको मध्य भागवाट ३१ – ३१ मिटर मापदण्ड हुन आउँछ ।

(सडक डिभिजन कार्यालय भरतपुरले उल्लेख गरेको ८० वटा राष्ट्रिय राजमार्गको सुचिको एउटा अंश)

(सडक डिभिजन कार्यालय भरतपुरले भ्यालुयर्स एशोसियसनलाई पठाएको पत्र)