फरार अभियुक्त पक्राउ

काठमाडौं – लकडाउनको समयमा लुकिछिपी बसेका दुई जना फरार अभियुक्तलाई प्रहरीले पक्राउ गरेको छ ।
जबरजस्ती करणीसम्बन्धी मुद्दामा अघिल्लो वर्ष ३ असारदेखि फरार रहेका राजन महर्जन र चोरी एवं लागुऔषध मुद्दाका फरार रोमन महर्जनलाई प्रहरीले पक्राउ गरेको हो ।

काठमाडौं प्रहरी परिसर, टेकुका अनुसार राजनलाई वसन्तपुर र रोमनलाई बलम्बुबाट पक्राउ गरिएको हो ।
‘राजन वारदात मितिबाटै फरार थिए भने रोमनलार्य काठमाडौं जिल्ला अदालतले एक महिना १६ दिन कैद र १४ हजार जरिवाना हुने ठहर गरेको थियो । ‘दुवै जनालाई जिल्ला अदालत उपस्थित गराइएको थियो र आदेशानुसार पुर्पक्षका लागि थुनामा पठाइएको प्रहरीले जनाएको छ ।