खैरो हेरोइनसहित तीन पक्राउ

कैलाली-लागुऔषध खैरो हेरोइनसहित तीन जना पक्राउ परेका छन्। जिल्ला प्रहरी कार्यालय कैलालीले कैलाली जानकी गाउँपालिका १ दुर्गौलीबाट सवारीसाधनसहित तीन जनालाई पक्राउ गरेको हो।

पक्राउ पर्नेमा भारत लखिमपुर खिरी तीनकुनिया ग्राम पञ्चायत उत्तर प्रदेशका ४६ वर्षीय सुनिल गुप्ता, कैलाली लम्की चुहा नगरपालिका१ का ३६ वर्षीय राजु अवस्थी र सोही ठाउँका २१ वर्षीय असलम कुरेसी छन्।

उनीहरूको साथबाट २० ग्राम ३२० मिलिग्राम खैरो हेरोइन बरामद भएको जिल्ला प्रहरी कार्यालय कैलालीले जनाएको छ। उनीहरू सवार युपी३१के ८९७२ र प्रदेश २ ०३ लम्की००५प ७७२६ नम्बरको मोटरसाइकल पक्राउ परेको प्रहरी निरीक्षक प्रकाश कार्कीले बताए।