प्रहरीलाई आर्थिक प्रलोभनमा पार्न खोज्ने तिन पक्राउ

वीरगञ्ज – प्रहरीलाई आर्थिक प्रलोभनमा पार्न खोजेको अभियोगमा बारा प्रहरीले ३ जनालाई शनिबार पक्राउ गरेको छ । पक्राउ पर्नेमा प्रसौनी गाउापालिका-५ का ४५ वर्षीय शम्भुप्रसाद साह, वडा-६ का २६ वर्षीय मुरारी कुशवाहा र कलैया उपमहानगरपालिका-१६ का २४ वर्षीय छोटेलाल पटेल रहेको बाराका प्रहरी उपरीक्षक सानुराम भट्टराईले जानकारी दिए ।
भारतबाट अवैध रुपमा कस्टमेटिक तथा कपडा लगायतका सामान भित्र्याउने वातावरण बनाइदिन भन्दै प्रहरीलाई मासिक २६ हजार रुपैयाँ दिने भन्दै प्रलोभनमा पार्न खोजेपछि उनीहरुले पक्राउ गरेको उनले बताए ।
पक्राउ परेका तीनै जनामाथि आवश्यक अनुसन्धान भइरहेको भट्टराईले जानकारी दिए ।