गोरखामा रेडक्रसको राहत सामग्री चोरी गर्ने चार जना पक्राउ

गोरखा – गोरखाको कार्यालयमा वितरणका लागि राखिएको सामग्री चोरी गर्ने चार जनालाई प्रहरीले नियन्त्रणमा लिएको छ ।
उनीहरुलाई बुधबार पक्राउ गरेको जिल्ला प्रहरी कार्यलय गोरखाले जनाएको छ ।
पक्राउ पर्नेमा गोरखा नगरपालिका–९ टक्सार बस्ने जितेन्द्र माझी, राजकुमार माझी, सुरेश माझी र सियाराम माझी छन् । पक्राउ परेकाहरुको कोठाबाट चोरी गरिएको सामग्रीसमेत बरामद गरिएको थियो ।
गएको असार २६ गते रेडक्रसले वितरण गर्न राखेको कम्मल, त्रिपाल, ब्ल्याङकेट, रेनकोट, स्लिपिङब्यागलगायतका करीब रु दुई लाख ५० हजार बराबरको सामग्री कार्यालयबाटै चोरी भएको थियो । पक्राउ परेकाहरुलाई जिल्ला अदालतबाट म्याद थप गरी अनुसन्धान अघि बढाइएको प्रहरीले जनाएको छ ।