काठमाडौं – महानगरी प्रहरी प्रभाग नागढुंगाले लागुऔषधसहित एक जनालाई पक्राउ गरेको छ।
महानगरी प्रहरी प्रभाग नागढुंगाका प्रहरी प्रमुख ज्ञानबहादुर खड्का नेतृत्वको टोलीले चन्द्रागिरी न.पा वडा नं. २ नागढुंगास्थित बुटवलबाट काठमाडौंतर्फ आउँदै गरेको लु १ ख ८७६६ नम्बरको यात्रुबाहक बस चेकजाँचको क्रममा लागुऔषधसहित एक जनालाई पक्राउ गरेको हो।
पक्राउ पर्नेमा कास्की पोखरा लेखनाथ उपमहानगरपालिका वडा नं. ९ नयाँबजार घर भएका १९ वर्षीय सफल गुरुङ रहेका छन्।
गुरुङको साथबाट डाइजेपाम २० एम्पल, फेनारगन २० एम्पल र नुफिन २० एम्पल फेला परेको महानगरीय प्रहरी वृत्त थानकोटका प्रहरी प्रमुख प्रहरी नायव उपरीक्षक कुमार विक्रम थापाले बताए।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
