काठमाडौं -आन्दोलनरत ग्याँस उद्योगीले सरकारसँग ३ बुँदे सहमति भएसँगै आन्दोलन स्थगित गर्ने निर्णय गरेका छन् ।
उक्त ३ बुँदे सहमति पत्रमा नेपाल आयल निगमको तर्फबाट अध्यक्ष गोकुल भण्डारी र एलपी ग्याँस उद्योग संघको तर्फबाट कार्यकारी निर्देशक सुरेन्द्र कुमार पौडेलले हस्ताक्षर गरेका छन् ।
उद्योगी तथा व्यवसायीका मागका सम्बन्धमा अध्ययन गर्न गठित समितिले १५ दिनभित्र प्रतिवेदन पेश गर्ने सहमति पत्रमा उल्लेख गरिएको छ ।
यस्तै पेट्रोलियम पदार्थको व्यवस्थापनका विषयमा अध्ययन गर्न उच्चस्तरीय समिति गठन गर्ने सहमति भएको छ ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
