बुटवलबाट २५ किलो चरेससहित चार जना पक्राउ

बुटवल– प्रहरीले बुटवलबाट २५ किलोग्राम चरेससहित चार जनालाई पक्राउ गरेको छ ।
प्रहरीको बिशेष टोली र इलाका प्रहरी कार्यालय बुटवलको संयुक्त प्रहरीको टोलीले बुटवल उपमहानगरपालिका– ९ इँटा भट्टीबाट शनिबार राति १० बजे उनीहरूलाई पक्राउ गरेको हो ।
पक्राउ पर्नेमा जाजरकोटका ४४ वर्षीय तिलक पुन, २८ वर्षीय टोपेन्द्र बोहरा, २८ वर्षीय प्रेम विक र बुटवल उपमहानगरपालिका(११ का ४० वर्षीय दिपेन्द्र घर्ती रहेका छन् ।
प्रहरीले तिलक, दिपेन्द्र र टोपेन्द्रबाट ६र६ किलो र प्रेमबाट ७ किलो गरी २५ किलो चरेस बरामद गरेको हो ।
उनीहरूले आधा– आधा किलोग्रामका ५० लाप्सा बनाइ बाँडेर झोलामा राखेको अवस्थामा बरामद गरिएको प्रहरीले जनाएको छ ।