चर्चा गरिए जस्तो समाधानउन्मुख छैन, कांग्रेस विवाद

काठमाडौं – नेपाली कांग्रेस भित्रको विवाद वाहिर चर्चा गरिए जस्तो समाधानउन्मुख नभएको देखिएको छ । संस्थापन इतर पक्षका नेताहरुले वाहिर चर्चा गरिए जस्तो विवाद समाधान तर्फ अघि नबढेको बताए । मध्य भागमा रहेका नेता डा . शेखर कोइराला र सभापति गगन थापा विच सम्वाद भएको र समाधानको कुनै पहल नभएको सोमवार काठमाडौंमा भएको संस्थापन इतर पक्षका नेताहरुले बताए । संस्थापन पक्ष पार्टी एक बनाउँन गम्भिर नभएकाले उनीहरुको भनाई छ ।
सम्वादका नाममा नेताहरु तान्ने, समय घर्काउने तर समग्र पार्टी एकता भने नगर्ने पक्षमा संस्थापन पक्ष रहेको धारणा सहभागी नेताहरुले व्यक्त गरेका थिए । क्षेत्रपाटीमा आयोजित भेलामा संस्थापन इतर पक्षका केन्द्र देखि क्षेत्र तह सम्मका नेता कार्यकर्ता सहभागी थिए ।
संस्थापन इतर पक्ष पनि १५ औं महाधिवेशन गर्ने तयारीमा जुटेको छ । उसले महाधिवेशन अघि नै भातृ संस्थाहरु गठन गर्ने तयारी थालेको छ ।
अदालतले आधिकारिकता पुनरावलोकन गर्ने अनुमति दिएकाले फैसला आफ्नो पक्षमा आउँन सक्ने निष्कर्ष संस्थापन इतर पक्षको छ । उता संस्थापन पक्षले पार्टीको वडा अधिवेशन असोजको पहिलो साता सम्मलाई सारेको छ । क्रियाशिल सदस्यताका सम्बन्धमा समेत पुरानालाई पनि महाधिवेशनमा सहभागी गराउँने निति लिएको छ ।