काठमाडौं – सरकारले नेपाल टेलिभिजनमा उपकरण खरिद र स्याटालाईट खरिदमा भ्रष्टाचार भएको आशंकामा छुट्टाछुट्टै दुई वटा समिति गठन गरेको छ ।
समितिलाई नेपाल टेलिभिजनले खरिद गरेका विभिन्न उपकरण, सफ्टवेयर तथा डिजिटल प्रणालीसँग सम्बन्धित उजुरी, प्रतिवेदन र सार्वजनिक सरोकारका विषयहरूको तथ्यपरक अध्ययन गरी २१ दिनभित्र सुझावसहितको प्रतिवेदन मन्त्रालयमा पेस गर्न भनिएको छ।
छानबिन समितिलाई नेपाल टेलिभिजनद्वारा खरिद गरिएका ग्राफिक्स सिस्टम, न्यु मिडिया (डिजिटल प्लेटफर्म) सेवा, अडियो÷भिडियो उपकरण, डिजिटल ट्रान्समिटर तथा इटहरी च्यानलका लागि खरिद गरिएको ‘प्लेआउट अटोमेसन सिस्टम’ सम्बन्धमा विस्तृत अध्ययन गर्ने कार्यादेश दिइएको छ । यी विषयमा अख्तियार सहित विभिन्न निकायमा गुनासो तथा उजुरी छन्।
स्याटेलाइट खरिदमा ठूलो भ्रष्टाचार भएको आशंकामा मन्त्रालयले डा. आभाष मास्केको संयोजकत्वमा गठन गरेको समितिको सदस्यमा उमेश रुपाखेती, टीकाराम कार्की र नवीनकुमार मिश्र छन् ।
स्याटेलाइट खरिद्मा ठूलो रकम भ्रष्टाचार भएको भन्दै केही वर्ष अघि अख्तियारमा उजुरी परेको थियो । तर नेकपा एमालेको चर्को दवावमा प्रमुख आयुक्त प्रेम राइले छानविन रोकेका थिए । त्यसै गरी सामग्री खरिदमा समेत चर्को भुष्टाचार भएको सुचना पछि सुचना तथा प्रशारण मन्त्रालयले डा. सुदिप भट्टाइको संयोजकत्वमा समिति गठन गरेको छ । समितिलाई २१ दिनको समय दिइएको छ ।
समितिले दोषी देखाए थप अनुशन्धान र कारवाहीको लागी अख्तियार पठाउने सरकारको तयारी छ ।
नेपाल टेलिभिजनमा लामो समय देखि पत्रकारिता पृष्ठभूमिका व्यक्तिहरु नेतृत्वमा छन ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
