सुनचाँदीको मूल्य बनायो नयाँ रेकर्ड

काठमाडौं– नेपाली बजारमा पुस ३० गते, बुधबार सुनचाँदीको मूल्यले नयाँ रेकर्ड बनाएको छ । आज सुन प्रतितोला एक हजार ५०० रुपैयाँ र चाँदीको मूल्यले तोलामा ३१५ रुपैयाँ बढेर नयाँ रेकर्ड बनाएको हो।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ७८ हजार रुपैयाँमा कारोबार भइरहेको छ । मंगलबार सुन प्रतितोला २ लाख ७६ हजार ५०० रुपैयाँमा कारोबार भएको थियो । मंगलबार कायम रेकर्डलाई ब्रेक गर्दै सुनको मूल्यले आज नयाँ रेकर्ड बनाएको हो ।

त्यस्तै, आज चाँदीको मूल्य प्रतितोला ३१५ रुपैयाँले बढेको छ । आज चाँदी प्रतितोला ५ हजार ६५५ रुपैयाँमा कारोबार भइरहेको छ । मंगलबार भने चाँदी प्रतितोला ५ हजार ३४० रुपैयाँमा कारोबार भएको थियो।