शेयर बजारमा सामान्य बृद्धि

काठमाडौं -नेपाल स्टक एक्सचेञ्ज (नेप्से) ३.७५ अकंले बढेर २७०७.७२ बिन्दुमा कायम भएको छ । आज ३१८ कम्पनीको २ करोड ७१ लाख ३२ हजार कित्ता शेयर किनबेच हुँदा ९ अर्ब ५० करोड रुपैयाँको कारोबार भएको हो ।

आज फाइनान्स कम्पनीको शेयर मूल्य सर्वाधिक बढेको छ । फाइनान्स समूहको शेयर २.१६ प्रतिशतले बढेको हो । साथै, अन्य समूह अन्तर्गतको ३.०९ प्रतिशतले शेयर मूल्य बढेको हो ।यता, सर्वाधिक घट्नेमा आज विकास बैंक रहेको छ । बैंकको मूल्य १.४९ प्रतिशतले बढेको हो ।

आज ८७ कम्पनीको शेयर मूल्य बढेको छ भने १६२ कम्पनीको शेयर मूल्य घटेको छ । आज सबैभन्दा धेरै नेपाल पुनर्बीमा कम्पनीको शेयर कारोबार भएको छ । आज यस कम्पनीको ४९ करोड ४० लाख रुपैयाँको शेयर कारोबार भएको छ ।