शेयर बजारमा दोहोरो अंकको बृद्धि

काठमाडौं – नेपाल स्टक एक्सचेञ्ज (नेप्से)आज शेयर बजार नेप्से परिसूचक ३४.४२ अंकले बढेर २,६९४ को विन्दुमा कायम भएको छ । आज ३१७ कम्पनीको ३ करोड १ लाख ८२ हजार कित्ता शेयर किनबेच हुँदा ९ अर्ब ७४ करोड ४८ लाख रुपैयाँको कारोेबार भएको छ ।

आज १८२ कम्पनीको शेयर मूल्य बढेको छ भने ६५ कम्पनीको शेयर मूल्य घटेको छ । यसदिन १३ वटै उपसूचकमा हरियाली देखिएको छ । आज जीवन बीमा समूहको २.८५ प्रतिशत, फाइनान्स समूहको २.१७ प्रतिशत, बैंकिङ समूहको १.३९ प्रतिशत, विकास बैक समूहको १.९३ प्रतिशतले शेयर मूल्य बढेको छ ।
आज सबैभन्दा धेरै एनआरएनको शेयर कारोबार भएको छ । आज यस कम्पनीको ५५ करोड ५३ लाख रुपैयाँको शेयर कारोबार भएको छ ।

उच्च कारोबार भएका १० कम्पनी

• एनआरएन इन्फ्रास्ट्रक्चरः ५५ करोड ५३ लाख रुपैयाँ
• साहास ऊर्जाः ४९ करोड ४१ लाख रुपैयाँ
• सप्तकोशी डेभलपमेन्ट बैंकः ३५ करोड रुपैयाँ
• लक्ष्मी सनराइज बैंकको संस्थापक शेयरः २९ करोड ६७ लाख रुपैयाँ
• बुटवल पावरः २८ करोड ७५ लाख रुपैयाँ
• राधी विद्युतः २७ करोड ५ लाख रुपैयाँ
• ङादी ग्रुप पावरः २५ करोड २२ लाख रुपैयाँ
• सानिमा माई हाइड्रोपावरः २३ करोड ७१ लाख रुपैयाँ
• युनियन हाइड्रोपावरः २० करोड ५१ लाख रुपैयाँ
• सीईडीबी होल्डिङ्सः १९ करोड ६२ लाख रुपैयाँ