शेयर बजारमा गिरावट कायमै

काठमाडौं – साता कारोबारको अन्तिम दिन अर्थात बिहीबार शेयर बजार सामान्य घटेर बन्द भएको छ । आज नेपाल स्टक एक्सचेञ्ज (नेप्से) नेप्से ४ दशलमव ४५ अंकले घटेर २,५९५ को विन्दुमा कायम भएको छ । आज ९३ कम्पनीको शेयर मूल्य बढेको छ भने १५५ कम्पनीको घटेको छ ।

आज दिनभरिमा ३०६ कम्पनीको १ करोड ९६ लाख ५० हजार २१० कित्ता शेयर किनबेच हुँदा ७ अर्ब ७८ करोडको शेयर कारोबार भएको छ । आज विकास बैंकको शेयर मूल्य सर्वाधिक बढेको छ । आज विकास बैंकको शेयर मूल्य १.१६ प्रतिशतले बढेको हो । साथै अन्य ४ समूहको शेयर मूल्यमा पनि सुधार आएको हो । यसदिन ८ उपसूचक राताम्य भएका छन् ।

आज सबैभन्दा धेरैबुटवल पावर कम्पनीको शेयर कारोबार भएको छ । आज यस कम्पनीको ६२ करोड ५२ लाख रुपैयाँको शेयर कारोबार भएको छ ।