काठमाडौं नगर प्रहरी प्रमुख पाण्डे निलम्बित

काठमाडौं – काठमाडौँ महानगरपालिकाका प्रहरी प्रमुख वरिष्ठ नगर प्रहरी उपरीक्षक (एसएसपी) राजुनाथ पाण्डेलाई निलम्बन गरिएको छ । मंगलबार महानगर प्रहरी प्रमुख पाण्डेलाई ६ महिनाका लागि महानगरले निलम्बन गरेको हो ।

यसअघिकाठमाडौं महानगरपालिकाका प्रमुख प्रशासकीय अधिकृत सरोज गुरागाईंले पाण्डेलाई स्पष्टीकरण सोधेका थिए । गुरागाईंले आफूलाई कार्यालय प्रवेश गर्न अवरोध पुर्‍याएको भन्दै पाण्डेलाई स्पष्टीकरण सोधेका थिए । पाण्डेले जेठ १२ गते स्पष्टीकरण बुझाएका थिए । महानगर प्रहरी ऐन, २०८० अनुसार नगर प्रहरी महानगरको प्रमुख प्रशासकीय अधिकृत मातहत परिचालन हुने व्यवस्था छ ।

गुरागाईंले नगर प्रहरी प्रमुख पाण्डेमाथि छानबिन गर्न जाँचबुझ समिति गठन गरेका छन् ।