सुनचाँदीको मूल्य घट्यो

काठमाडौं – नेपाली बजारमा शुक्रबार सुनचाँदीको मूल्यमा गिरावट भएको छ । आज सुन प्रतितोला ३ हजार ९०० रुपैयाँ घटेको छ भने चाँदी १२५ रुपैयाँले घटेको हो । नयाँ रेकर्ड बनाइरहेको सुनको एकै दिन ठूलो गिरावट भएको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ७६ हजार ४०० रुपैयाँमा कारोबार भईरहेको छ । बिहीबार छापावाल सुनको मूल्य प्रतितोला १ लाख ८० हजार ३०० रुपैयाँ खरिदबिक्री भएको थियो ।

आज चाँदीको मूल्य पनि १२५ रुपैयाँले घटेको छ । शुक्रबार चाँदी प्रतितोला एक हजार ८७० रुपैयाँमा किनबेच भएको छ । बिहीबारको चाँदी तोलाको एक हजार ९९५ रुपैयाँमा कारोबार भएको थियो ।