काठमाडौं – नेपाल स्टक एक्सचेञ्ज (नेप्से) ३३.४१ अकंले बढेर २७१६.६६ बिन्दुमा कायम भएको छ । आज ३१२ कम्पनीको १ करोड ४२ लाख ९२ हजार ७४२ कित्ता शेयर किनबेच हुँदा ७ अर्ब ४४ करोड ९८ लाख ९८ हजार रुपैयाँको शेयर कारोबार भएको छ । मंगलबार २११ कम्पनीको शेयर बढ्दा ३२ कम्पनीको घटेको छ । एउटा कम्पनिको शेयर मुल्य भने स्थिर रहेको छ ।
आज १३ वटै उपसूचकमा हरियाली देखिएको छ । यसदिन विकास बैंक समूहको १.२० प्रतिशत, बैंकिङ समूहको ०.४९ प्रतिशत, फाइनान्स समूहको १.५१ प्रतिशत, होटल तथा पर्यटन समूहको ०.६४ प्रतिशतले शेयर मूल्य बढेको छ ।
आज सबैभन्दा धेरै नेपाल फाइनान्सको शेयर कारोबार भएको छ । आज यस कम्पनीको ४५ करोड ७८ लाख रुपैयाँको शेयर कारोबार भएको छ ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
