सुनको मूल्यमा नयाँ रेकर्ड, कतिमा हुँदैछ किनबेच ?

काठमाडौं – नेपाली बजारमा सुनचाँदीको मूल्यले नयाँ रेकर्ड बनाएको छ । आज सुनको मूल्य प्रतितोला ६०० रुपैयाँ बढेर नयाँ रेकर्ड बनाएको हो । त्यसैगरी आज चाँदीको मूल्यले पनि नयाँ रेकर्ड बनाएको छ ।

नेपाल सुन चाँदी व्यवसायी महसंघका अनुसार आज छापावाला सुन प्रतितोला १ लाख ६५ हजार ६०० रुपैयाँमा कारोबार भइरहेको छ । यो सुनको मूल्य हालसम्मकै उच्च हो। आईतबारको बजारमा सुनको मूल्य प्रतितोला १ लाख ६५ हजार रुपैयाँमा खरिदबिक्री भएको थियो ।

आज चाँदी प्रतितोला २० रुपैयाँले बढेको छ । सोमबार चाँदी प्रतितोला दुई हजार ९५ रुपैयाँमा खरिदबिक्री भइरहेको छ । आईतबारको बजारमा चाँदी प्रतितोला दुई हजार ७५ रुपैयाँमा खरिदबिक्री भएको थियो ।