यस्ता छन् नेपालमा उपलब्ध राइड सेयरिङ एपहरु

नेपालमा पछिल्लो समय राइड सेयरिङ सुविधा दिने धेरै कम्पनिहरु सञ्चालनमा आएका छन् । विशेषगरी एपको सहायतामा एपले ग्राहक र राइडरलाई जोड्ने काम गर्दछ । यस्ता एपहरु पछिल्लो समय लोकप्रिय पनि रहेका छन् ।
बजारमा रहेका राइड सेयरिङ एपहरुको बारेमा जानकारी दिन लागेका छौं । एप र तीनका सेवा सुविधाको बारेमा यहाँ प्रस्तुत गरिएको छ । कोरोनाको कारण सार्वजनिक सवारी साधनमा हुने भिडभाडको कारण राइड सेयरिङ एपहरु ग्राहकको रोजाइमा परेका छन् । साथै सवारी साधन हुनेहरुको लागि आम्दानीको राम्रो माध्यम समेत बन्न थालेको छ ।

साहारा
साहारा एप छोटो समयमा लोकप्रिय बन्न सफल नेपालीहरु विकसित गरिएको शुद्ध नेपाली एप हो । यो एप उत्कृष्ट सुविधाको लागि परिचित छ । एपबाट आफ्नो लागि र अरूको लागि बुक गर्न सक्छौं । नेपालका अन्य सवारीसाधनको तुलनामा साहाराको भाडादर सस्तो छ । छोटो समयमै काठमाडौं उपत्यकामा सहारा प्रख्यात बन्न सफल भएको छ । सबैभन्दा पहिले यसलाई सुपर एपको रूपमा नाम दिइएको थियो र फेरि सहारामा रिः ब्राण्डिङ गरिएको हो । रिःब्रान्डिङ गरेपछि साहारा काठमाडौं उपत्यकामा बढी चर्चित छ । साहारा ग्राहकहरूका लागि हो भने साहारा पार्टनर सेवा प्रदान गर्ने सवारी चालकहरूका लागि हो । साहारा पार्टनरलाई पनि साहाराले शून्य प्रतिशत कमिशन उपलब्ध गराउँदै आएको छ । अहिले नेपालका अधिकांश राइडरहरू साहारा एपतर्फ आकर्षित भएका छन् ।

पठाओ
पठाओ बंगलादेशबाट नेपालमा एप हो । पठाओले छोटो समयमा नै बजारमा आफ्नो उपस्थित स्थापित गराउन सफल भयो । यस एपमा तपाईले छोटो समयमा राइडर पाउन सक्नुहुन्छ त्यसैले मानिसहरूले यो एपलाई अत्यावश्यक अवस्थाको लागि प्रयोग गर्न सक्छन् ।

टुटल
टुटल राइड सेयरिङ एप काठमाडौं उपत्यका सेवा दिइरहेको छ । जसले सवारीको खोजीमा रहेका मानिसहरूलाई दुई सवारी साधनमा साझेदारी गर्न इच्छुक व्यक्तिहरूसँग जोड्दछ । यो एपको पनि उपत्यकामा राम्रो उपस्थीति रहेको छ ।

ट्याक्सीमाण्डू
ट्याक्सीमाण्डूे एप काठमाडौं उपत्यकामा ट्याक्सीको यात्राका लागि सजिलो माध्यम बनेको छ । यो ट्याक्सी बुक गर्नको लागि प्रयोग हुने एक मोबाइल एप हो । यो ट्याक्सी बुक गर्न र यात्रा गर्न धेरै सजिलो छ ।

इनड्राइभर
नेपालमा इनड्राइभर राइड सेयरिङ एप आएको धेरै भएको छैन् । यो एपमा आफुले कति भाडामा जाने हो त्यही अनुसार राइडरहरु छान्न सकिन्छ । यसमा न्युनतम भाडामात्र ताकिएको हुन्छ । त्यसमा यात्रु र राइडर आफैंले आफ्नो भाडा तोक्न सक्छन् ।
यसले कमिसन पनि लिँदैन । तर नेपालमा यसको दर्ता र कार्यालय भने छैन ।

लुजुम
नेपाली राइड सेयरिङ सर्भिसको बजारमा अर्को नाम हो ‘लुजुम’ अर्थात ‘लौ जाऔं’ । नेपालको सवारी प्रणाली सहज र सुलभ बनाउने योजना लिएर आएको बताउने यस एप अनलाइन र अफलाइन दुवै माध्यमबाट बुकिङ सेवा दिएर इन्टरनेट तथा स्मार्टफोन नभएका यात्रीलाई पनि जोड्ने तयारीमा रहेको बताउँछ ।

सारथी

सारथी एप अफ लाइन क्याब राइड सेयरिङको रुपमा २०१७ देखि शुरु भएको हो । अहिले यो आईओएस र एन्ड्रोइन भर्सनमा उपलब्ध छन् । फिचर भने अरु राइड सेयरिङ एपहरुको जस्तै छन् ।