मत माग्दै अर्वपति चौधरी भन्छन : ‘आज म त्यहीँ देशको ऋणि बन्न पुगेको छु’

काठमाडौं – उद्योगी विनोद चौधरी यतिवेल नवलपुर क्षेत्र नं . २ मा प्रतिनिधि सभा सदस्य पदका उम्मेदवार छन । नेपाली कांग्रेसबाट चुनावी मैदानमा खडा भएका नेपालका सर्वाधिक धनी व्यवसायी हुन ।

जनताको घर दैलोमा मत माग्न अन्य आम उम्मेदवार जस्तै हिडिरहेका चौधरी ले सामाजिक सञ्जालबाट साहित्यीक अपिल गरेका छन ।

उनले आफ्ना भनाईमा आफु जनतासंग समान धरातलमा उम्याउने वाचा गरेका छन ।

उनले आफुले भोगेका संघर्षहरु सजिलो नभए को चर्चा गर्दै भनेका छन : ‘दिन रातको मेहनत , लगनशीलता र परिश्रमले गर्दा नै आफ्नो उदेश्य र लक्ष्य प्राप्त गरे !’

चौधरीले लेखेका छन :

जिन्दगीको..

कालखण्डमा मैले देखेका भोगेका र हाँसिल गरेका

उपलब्धिहरु सजिला थिएनन् !

दिन रातको मेहनत , लगनशीलता र परिश्रमले गर्दा नै आफ्नो उदेश्य र लक्ष्य प्राप्त गरे !

जुन देशको पानी पिँए

जुन देशको माटोमा टेकेर म उभिँए

जुन देशको शितल हावा पिएर म बाचेँ

आज म त्यहीँ देशको ऋणि बन्न पुगेको छु,

पिँएको पानीको मुल्य चुकाउनु छ !

टेकेको माटोमा समृद्धिको मुल फुटाउनु छ!

बिकास र समृद्धिको बतास देश भर वहाउनु छ,

आज म जुन धरातलमा उभिँएको छु

उहीँ धरातलमा आफ्ना जनतालाई सगैँ उभाउनु छ !

जनताको सुख:दुखमा हातेमालो गर्दै

भोलि उदाँउने घामका नौला किरण धर्तीमा

ठोकिनु अघिनै देशको मुहार फेर्नु छ !