काठमाडौं – राष्ट्रिय सभामा खाली हुने २० सिटमा सत्तारुढ गठवन्धन दलहरुले चुनावी मोर्चा बनाएर लडने भएका छन । आ आफ्नो पार्टी वाट खाली हुने सिट सम्बन्धित पार्टीले नै पाउने र एमालेबाट खाली हुने आठ सिट गठवन्धनका दलहरुले भागवण्डा गरेर चुनावी तालमेल गरेर अघि बढ्ने निर्णय भएको छ ।
खाली हुने सिटमध्ये तीनवटा कांग्रेस, दुईवटा जसपाले लिने सहमति भएको छ भने माओवादी केन्द्र, नेकपा एकीकृत समाजवादी र राष्ट्रिय जनमोर्चाले एक एक सिट लिनेगरी सहमति भएको छ ।
एमालेबाट आठजना, माओवादी केन्द्रबाट चार, नेकपा एकीकृत समाजवादीबाट चार, कांग्रेसबाट तीन र मनोनीत एकजना सांसद बिदा हुने क्रममा छन् ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
