भारत भ्रमणमा रहेको कांग्रेस टोली र भाजपा महासचिव अरुण शिंह विच भेटवार्ता

काठमाडौ – नेपाली कांग्रेसका सहमहामन्त्री डा. प्रकाशशरण महत नेतृत्वको टोलीले दोस्रो दिन भारतीय जनता पार्टीका महासचिव अरुण सिंहसहित वरिष्ठ नेताहरुसंग भेटवार्ता सम्पन्न गरेको छ ।

भाजपाको मुख्यालयमा अत्यन्त सौहार्द्रपूर्ण वातावरणमा भएको वार्तामा दुई पार्टीका वर्तमान र भावि कार्यक्रमहरुका बारेमा एकापसमा जानकारी आदानप्रदान भएको थियो । यस अवसरमा दुई पार्टीहरुको बीचमा आपसी सम्बन्ध अभिबृद्धि गरेर जनस्तरको सम्बन्ध झन मजबूत बनाउने विषयमा पनि छलफल भएको छ ।

वार्तामा नेपाल भारतबीचको अनुपम सम्बन्धलाई अझ विकसित र सुमधुर बनाउन समय समयमा देखा पर्ने समस्याहरुलाई शीघ्र समाधान गर्नुपर्ने विषयमा समान धारणा बनेको छ ।

‘दुवै देशबीच आपसी सम्बन्ध झन मजबूत र सुमधुर बनाउन यो वार्ता सार्थक भएको छ । बीजेपीले प्रदान गरेको सत्कार र न्यानो आतिथ्यप्रति हामी कृतज्ञ छौ ।’सहमहामन्त्री डा. महतले भने ।

टोलीमा कांग्रेस नेता उदय शमसेर राणा र अजय चौरसिया समेत सहभागी थिए ।