धादिङमा मिनिट्रक दुर्घटना हुँदा सात जनाको मृत्यु

काठमाडौं– धादिङमा मंगलबार मिनिट्रक दुर्घटना हुँदा मृत्यु हुनेको संख्या सात पुगेको छ। जिल्ला प्रहरी कार्यालय धादिङका अनुसार दुर्घटनामा परेर ११ जना घाइते भएका छन्। घाइतेमध्ये ४ जनाको अवस्था गम्भीर रहेको छ ।
घाइते ११ जनालाई सेनाको हेलिकप्टरबाट काठमाडौं ल्याइएको छ ।

ज्वालामुखी गाउँपालिकामा रहेको मण्डलीथान दर्शन गरेर फर्कंदै गरेका दर्शनार्थीहरू चढेको ग १ ख ८०१२ नम्बरको मिनिट्रक दुर्घटनामा परेको हो।
मृत्यु हुनेहरुमा सेते गुरुङ, प्रेमबहादुर गुरुङ, बलवहादुर गुरुङ, नारायण श्रेष्ठ, विदुर गुरुङ, तिलकबहादुर गुरुङ र नजबहादुर गुरुङ रहेका छन्। मृतकहरु नीलकण्ठ नगरपालिका वडा नम्बर २ भुलभुले टोलका वासिन्दा हुन्।
उक्त ट्रकमा २५ जना थिए।