छाउगोठमा राख्नेको सामाजिक सुरक्षा भत्ता रोक्न गृहको परिपत्र

काठमाडौं – गृह मन्त्रालयले छाउगोठको अन्त्यका लागि नयाँ परिपत्र गरेको छ । महिनावारी भएको बेला महिलाहरुलाई छाउगोठमा राख्नेहरुको सामाजिक सुरक्षा भत्ता रोक्का गर्न गृहले परिपत्र गरेको छ ।
गृहले सुदूरपश्चिम र कर्णाली प्रदेशका प्रमुख जिल्ला अधिकारीहरुलाई तीनबुँदे परिपत्र गरेको हो । महिलाहरुलाई छाउगोठमा राख्नेहरुको बृद्धसहित सबै सामाजिक सुरक्षा भत्ता र सहुलियत कर्जा रोक्न भनिएको छ ।
त्यसैगरी गृहको परिपत्रमा छाउगोठहरुमा बस्ने महिलाहरुलाई पनि कारबाही गर्न भनिएको छ ।
साथै प्रमुख जिल्ला अधिकारीको नेतृत्वमा हरेक जिल्लामा समिति बनाउन र छाउगोठ नष्ट गर्न पनि परिपत्रमा उल्लेख गरिएको छ ।