बलात्कारपछि हत्या मुद्दाका दोषी १९ वर्षपछि अमेरिकामा पक्राउ

काठमाडौं – बलात्कारपछि हत्या गरेको अभियोगका दोषीलाई प्रहरीले १९ वर्षपछि पक्राउ गरेको छ ।
झापा चन्द्रगढी–३ घर भई हाल अमेरिकामा बस्दै आएका लिलाराज गौतमलाई अमेरिकी प्रहरीले पक्राउ गरेर नेपाल प्रहरीलाई बुझाएको हो । लिलाराज विरुद्ध ०७४ मंसिरमा रेड नोटिस जारी भएको थियो ।
गौतमलाई बुधबार टर्किस एयरलाइन्सबाट काठमाडौं ल्याइएको छ । उनी २०१८ फ्रेबुअरी ३ मा अमेरिकामा पक्राउ परेको प्रहरीले जनाएको छ ।
२०५७ साल असोज २९ गते गौतमसहित मनोज खड्का र सीताराम खड्काले चन्द्रगढी–३ की एक युवतीको सामूहिक बलात्कारपछि हत्या गरेको आरोप छ । सर्वोच्च अदालतले ०६६ भदौ १९ गते उनीहरुलाई जन्मकैदको सजाय सुनाएको थियो । गौतमलाई आवश्यक कारवाहीको लागि केन्द्रीय अनुसन्धान व्युरो को जिम्मा लगाइएको छ