वडा कार्यालयमा लागेको आगो निभाउन खोज्दा प्रहरी निरीक्षक गम्भीर घाइते

बर्दिया -बर्दिया जिल्लाको गेरुवा गाउँपालिकाको वडा कार्यालयमा लागेको आगो निभाउँन जाँदा प्रहरी निरीक्षक गम्भीर घाइते भएका छन्। गाउँपालिकाको वडा नम्बर ६ को कार्यालयमा मंगलबार बिहान अज्ञात समूहले लगाइएको आगो निभाउँने क्रममा छत खस्दा ईलाका प्रहरी कार्यालय पाताभारमा कार्यरत प्रहरी निरीक्षक यम बहादुर मल्लको टाउँकोमा गम्भीर चोट लागेको छ भने करङको हड्डी भाचिएको छ।
गम्भीर घाइते भएका प्रहरी निरीक्षक मल्लको नेपालगंजस्थित शिक्षण अस्पतालमा उपचार भइरहेको छ। उनलाई थप उपचारको लागि काठमाडौं लैजाने तयारी भइरहेको प्रहरीले जनाएको छ ।
आगलागीबाट वडा कार्यालयमा रहेका सम्पूर्ण कागजात जलेर नष्ट भएका छन् भने भौतिक सामाग्री पनि जलेर खरानी भएको प्रहरीले जनाएको छ। आगजनी गर्नेहरुको खोजी भइरहेको प्रहरीको भनाइ छ।