न्यायपरिषदद्धारा सर्वोच्चमा पाँच र उच्च अदालतमा १८ न्यायाधीश सिफारिस

काठमाडौं– सर्वोच्च अदालतमा पाँच जना न्यायाधीश नियुक्तिका लागि न्यायपरिषदको मंगलबार बसको बैठकले सिफारीस गर्ने निर्णय गरेको छ ।
सर्वोच्चको रिक्त पाँच न्यायाधीशमा पाटन उच्च अदालतका मुख्य न्यायाधीश प्रकाश कुमार ढुंगाना, सुर्खेत उच्च अदालतकी मुख्य न्यायाधीश सुष्मालता माथेमा, बरिष्ठ अधिवक्ता कुमार रेग्मी, अधिवक्ता हरिप्रसाद फुँयाल र अधिवक्ता डा. मनोजकुमार शर्मा रहेका छन् ।
पाँच न्यायाधीशको नियुक्ति सिफारीसपछि सर्वोच्चमा रिक्त सबै पद पुरा हुने भएको छ । सिफारिस भएका न्यायाधीशको संसदीय सुनुवाईमा छलफल हुनेछ ।
त्यसैगरी बैठकले उच्च अदालतको न्यायाधीशमा किरण शर्मा, महेन्द्रनाथ उपाध्याय, रमेश ढकाल, निलम पौडेल र राजेशकुमार काफ्लेलाई नियुक्ति तथा पदस्थापनाका लागि सिफारिस गर्ने निर्णय गरेको छ ।

अधिवक्ताहरूबाट सात जनालाई उच्च अदालतको न्यायाधीश सिफारिस गरिएको छ। अधिवक्ताहरू जगतबहादुर थापा, सरलाकुमारी पाण्डे, विमल सुवेदी, रेणुका शाह, डालकुमार खड्का, उज्जवल शुक्ल र नवराज थपलिया न्यायाधीश सिफारिस भएका छन्। 
शर्मा नायव माहान्यायधिवक्ता, उपाध्याय सर्वोच्चका रजिष्ट्रार, ढकाल सत्य निरुपण तथा मेलमिलाप आयोगका सचिव, पौडेल साविक पुनरावेदन अदालतको अतिरिक्त न्यायाधीश र काफ्ले जिल्ला न्यायाधीशबाट उच्च अदालतको न्यायाधीशमा सिफारिस भएका हुन् ।