विभिन्न पाँच आयोगका अध्यक्षले लिए पद तथा गोपनीयताको सपथ

काठमाडौं– राष्ट्रपति विद्यादेवी भण्डारीले विभिन्न ५ वटा आयोगका अध्यक्षका लागि संवैधानिक परिषद्बाबाट सिफारिस व्यक्तिहरूलाई नियुक्त गरेकी छिन्।
राष्ट्रपतिले संवैधानिक परिषद्को सिफारिसमा राष्ट्रिय प्राकृति स्रोत तथा वित्त आयोगको अध्यक्षमा बालानन्द पौडेल,राष्ट्रिय समावेशी आयोगको अध्यक्षमा डा.शान्तराज सुवेदी, मधेसी आयोगको अध्यक्षमा विजयकुमार दत्त, थारु आयोगको अध्यक्षमा विष्णुप्रसाद चौधरी र मुस्लिम आयोगको अध्यक्ष पदमा समिम मियाँ अन्सारीलाई नियुक्त गरेका हुन् ।
राष्ट्रपति विद्यादेवी भण्डारीको उपस्थितिमा प्रधानन्यायाधीश चोलेन्द्र शमशेर जबरा समक्ष नवनियुक्त अध्यक्षहरूले आ–आफ्नो अध्यक्ष पदको, पद तथा गोपनीयताको शपथ ग्रहण गरेका हुन्।

समारोहमा उपराष्ट्रपति नन्दबहादुर पुन, कानुन, न्याय तथा संसदीय व्यवस्थामन्त्री भानुभक्त ढकाल, उपसभामुख शिवमाया तुम्वाहाम्फे, संवैधानिक अङ्ग र सुरक्षा निकायका प्रमुख तथा नेपाल सरकारका विशिष्ट श्रेणीका पदाधिकारीको उपस्थिति थियो ।