देशभर कांग्रेसकाे विरोध प्रदर्शन

काठमाडौं– आज प्रमुख प्रतिपक्षी दल नेपाली कांग्रेसले देशैभर सरकारविरूद्ध प्रदर्शन गरेको छ ।
उपत्यका बाहिरका जिल्लामा बिहान ११ बजेदेखि सडकमा प्रर्दशन गरेको थियो भने काठमाडौंमा दिउँसो १ बजेबाट प्रर्दशन गरेको कांग्रेसले जनाएको छ ।
वाइडबडी जहाजमा भएको भनिएको भ्रष्टाचार, निर्मला पन्तको बलात्कारपछिको हत्यामा संलग्नलाई कारबाही नहुनु, स्वदेशी लगानीमा बनाउने भनेको बूढीगण्डकी जलविद्युत बिना प्रतिस्पर्धा चाइना गेजुवा कम्पनीलाई दिनेलगायत मुद्दा कांग्रेसले विरोध सभामा उठाएको छ ।
कांग्रेसले आयोजना गरेको सरकारविरूद्ध प्रर्दशनमा तरूण दल, नेविसंघ, महिला संघलगायत भातृ संगठन पनि सहभागी भएका छन्।