सुनचाँदीको कतिमा हुँदैछ कारोबार ?

काठमाडौं– नेपाली बजारमा पुस १४ गते सुनको मुल्य घटेको छ भने चाँदीको मूल्य बढेर पुनः नयाँ रेकर्ड बनाएको छ । आईतबार ऐतिहासिक उचाईमा कारोबार भएको सुन आज प्रतितोला ६०० रुपैयाँले घटेको छ। चाँदीको मूल्यले भने यस दिन तोलामा ६० रुपैयाँ बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ७० हजार रुपैयाँमा कारोबार भइरहेको छ । आईतबार सुनको मूल्य प्रतितोला २ लाख ७० हजार ६०० रुपैयाँमा कारोबार भएको थियो ।

यस दिन चाँदीको मूल्य तोलामा ६० रुपैयाँले बढेर नयाँ रेकर्ड बनाएको छ । आजको बजारमा चाँदी प्रतितोला ४ हजार ८९५ रुपैयाँमा कारोबार भइरहेको छ । चाँदीको सो मूल्य नै हालसम्मको उच्च हो । आईतबार चाँदी प्रतितोला ४ हजार ८३५ रुपैयाँमा खरिद बिक्री भएको थियो ।