महानगर प्रहरीलाई कानुन विपरित भिड तथा दंगा नियन्त्रण तालिम !

काठमाडौं – काठमाडौं महानगर पालिकाले कानुन विपरित नगर प्रहरीलाई भिड तथा दंगा नियन्त्रण दिन सुरु गरेको छ । शसस्त्र प्रहरी र नेपाल प्रहरीलाई दिइने यस्तो तालिम र अधिकार नगर प्रहरीलाई कानुनतः हुँदैन । यस्तो तालिम दिन महानगर भित्र संस्थागत निर्णय समेत भएको छैन भने प्रमुख प्रशासकिय अधिकृत र अधिकांश जन प्रतिनिधिलाई जानकारी समेत छैन । महानगर प्रहरी प्रमुख प्रशासनिय अधिकृतको मतहतमा हुनु पर्ने भए पनि नगर प्रहरी प्रमुख राजुनाथ पाण्डेले मेयर बालेन्द्र साहको मात्रै आदेश मान्ने बताउँदै आएका छन ।

महानगरले भने आत्मरक्षा को लागी यस्तो तालिम दिइएको दावी गरेको छ । महानगर प्रहरीको पेजमा त्यस्तो दावी गरिएको छ ।

महानगर का गतिविधिलाई नजिकबाट हेर्दै आएका र सडक व्यापारिको पक्षबाट अभियान चलाउँदै आएका अभियन्ता ईः ईः ले यस्तो दंगा नियन्त्रण तालिमको विरोध जनाएका छन ।

उनले भनेका छन :

दंगा प्रहरीको रूपमा काम गर्ने कुनै कानुनी अधिकार नगर प्रहरीलाई छैन। त्यो नेपाल प्रहरी/एपीएफको कार्यक्षेत्र हो। यो आउने दिनहरूको लागि राम्रो संकेत होइन; पहिले शहरका सीमान्तकृत वर्गहरूका लागि, त्यसपछि आप्रवासीहरूका लागि, त्यसपछि स्थानीयहरूका लागि जसको फरक विचार हुन सक्छ।

के काठमाडौँ महानगरपालिकाले यसलाई सक्षम पार्न संस्थागत निर्णय गरेको छ?