दक्षिण कोरियामा विमान दुर्घटना हुँदा १७९ जनाको मृत्यु (अपडेट)

काठमाडौं – दक्षिण कोरियामा  विमानस्थलभित्रै  भएको विमान दुर्घटनामा १७९ जनाको मृत्यु भएको छ । विमानमा सवार १८१ जनामध्ये दुई जनाको जीवितै उद्धार गरिएको थियो । उनीहरु एक जना चालक दलका सदस्य र एक जना यात्रु हुन् ।

दुर्घटनालगत्तै अग्नि नियन्त्रकसहितका उद्धारकर्ताले उनीहरुको उद्धार गरेका थिए । उनीहरुको उपचार मोकपो अस्पतालमा भइरहेको छ । थाइल्याण्डको बैंककबाट आएको जेजु एयरको विमान दक्षिण कोरियाको मुआन अन्तर्राष्ट्रिय विमानस्थलमा अवतरणको क्रममा दुर्घटना भएको थियो । विमानमा चालक दलका ६ सदस्यसहित १८१ जना थिए । उनीहरुमध्ये दुई जना थाइल्याण्डका र अरु सबै दक्षिण कोरियाका थिए ।