काठमाडौं – सर्वोच्च अदालतले नदि किनार मापदण्ड सम्बन्धी आफ्नै फैसला उल्टाएको छ । काठमाडौं उपत्यका तथा सहायक नदिमा तोकिएको मापदण्ड वाहेक थप २० मिटर छाड्नु पर्ने भनि संयुक्त इजलाशले गरेको फैसला पुनरावलोकन गर्दै उल्टाएको हो ।
संयुक्त इजलासबाट भएको फैसला पुनरावलोकन गर्दै न्यायाधीशहरू सुनिल कुमार पोखरेल, बालकृष्ण ढकाल र नृपध्वज निरौलाको तीन सदस्यिय पूर्ण इजलासले १ मंसीर, २०६५ मा निर्धारित मापदण्ड कायम हुने आदेश गरेको हो ।
अव बागमती, विष्णुमती र मनहरा किनाराबाट २० मिटर छाडेर निर्माण गर्न पाइने भएको छ ।
नख्खु खोलामा १२ मिटर छाड्नु पर्छ भने बल्खु, कर्मनासा, कोइके, साले र महादेव खोलामा १० मिटर छाड्नुपर्नेछ त्यसै गरी करखुसी खोलामा ६ मिटर छाड्नुपर्नेछ भने टुकुचा, सामाखुसी, र उपत्यकामा बग्ने अरु खोलामा ४ मिटर छाड्नुपर्नेछ ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
