प्रधानमन्त्रीका राजनितिक सल्लाहकारले पनि भने : सम्भवत सामाजिक सञ्जाल बन्द हुन्छ

काठमाडौं – दर्ता हुन नआएका सामाजिक सञ्जाल बन्द गर्ने मन्त्री परिषदको निर्णय कार्यान्वयन हुने देखिएको छ । प्रधानमन्त्री केपी शर्मा ओलीका राजनितिक सल्लाहकार विष्णु रिमालले पनि सामाजिक सञ्जाल बन्द हुने संकेत गरेका छन ।

सरकारका प्रवक्ता पृथ्वी सुब्बा गुरुङले दर्ता नभएका सामाजिक सञ्जाल बन्द गर्ने बताईरहदा सत्तारूढ दलका महासचिव शंकर पोखरेलले सामाजिक सञ्जाल बन्द गर्ने संकेत गर्दै सामाजिक सञ्जालमै लेखेका छन –

सामाजिक संजाल बन्दभइ नखुल्दासम्म त्यसले खल्वल्याइदिएका असल सामाजिक परम्पराहरु पुनर्स्थापित गर्ने कोशिस गरौं । सुखद अनुभूती हुनेछ ।

प्रधानमन्त्रीका सल्लाहकार रिमालले पनि सम्भवत सामाजिक सञ्जाल बन्द हुने बताएका छन । उनले सर्वोच्च अदालतलाई देखाउँदै दर्ता नभएका सामाजिक सञ्जाल बन्द हुने संकत गरेका छन ।

रिमालले लेखेका छन :

सामाजिक सञ्जाल र अनलाइन प्लेटफर्म प्रायः हामी सबैको लत बनेको छ । प्रधानमन्त्रीदेखि सर्वसाधारणसम्म दैनिक दर्जनौं स्टाटस मार्फत् आ–आफ्ना गतिविधिबारे जानकारी दिने र भावनाको साटासाट गर्ने गरिँदै आएको छ । यस्तो लागछ– केही गरी यी प्लेटफर्महरु बन्द भयो भने के होला ?

सायद, केही अवाञ्छित तत्वका असामाजिक भूमिका र केही गैरजिम्मेवार व्यक्तिका कामको कारण सम्मानित सर्वोच्च अदालतले नेपालभित्र सम्पर्क विन्दु (प्वाइन्ट अफ कन्ट्याक्ट), स्वनियमन तथा आवासीय गुनासो सुन्ने अधिकारी तोकी कम्पनी सूचिकृत नगरेसम्म रोक लगाउने आदेश दिएको छ । सम्भवत दर्ता नभएका सबै सामाजिक सञ्जाल तथा अनलाइन प्लेटफर्महरु निष्क्रिय हुँदैछन्।

लतकै रुपमा हाम्रो जीवनमा जोडिएका यी सञ्जाल र प्लेटफर्म चाँडोभन्दा चाँडो सूचिकृत होउन् र हामीले शीघ्र यसको प्रयोग गर्ने वातावरण बनोस्।

यही अपेक्षा सहित –– शुभ बिहानी!