पूर्वराजालाई महानगरको जरिवानाबारे कमल थापा भन्छन् : ‘गलत ठेगानामा पठाईएको स्टण्ट पत्र’

काठमाडौं – शुक्रवार तीनकुने क्षेत्रमा भएको राजावादीले क्षती पुऱ्याएको भन्दै काठमाडौं महानगर पालिकाले पूर्वराजालाई ७ लाख ९३ हजार जरिवाना गराएको प्रति राष्ट्रिय प्रजातन्त्र पार्टी नेपालका अध्यक्ष कमल थापाले आपत्ति प्रकट गरेका छन । उनले सामाजिक सञ्जालमा लेख्दै महानगरको पत्र गलत ठेगानामा पठाईएको पत्र’ जस्तो “स्टण्ट” भएको बताए । उनले पत्रको भाषामा समेत आपत्ति जनाउँदै फिर्ता लिन सुझाव दिए ।

उनले भनेका छन :

तिनकुनेमा चैत १५ गते भएको कार्यक्रमलाई लिएर राजा ज्ञानेन्द्रलाई जरिवाना गर्ने काठमाडौं महानगरपालिकाको निर्णय हास्यास्पद छ।’गलत ठेगानामा पठाईएको पत्र’ जस्तो “स्टण्ट” भयो।

मेयर बालेन साहबाट यस्तो त्रुटि कसरी भयो होला, म अलमलमा छु।

संयुक्त जनआन्दोलन समिति र नागरिक बचाउ अभियानले जिल्ला प्रशासनसँग स्विकृति लिएर कार्यक्रम गरेको रेकर्ड हेर्न महानगरपालिकालाई आग्रह छ।

पत्रको भाषा पनि अशिष्ट र अमर्यादित छ । राजाको कुरा छोडिदिउँ, उहाँ पूर्व राष्ट्राध्यक्ष पनि हुन्छ भन्ने महानगरपालिकाले हेक्का राख्नु पर्ने थियो।

पत्र फिर्ता लिनु बुद्धिमानी हुनेछ।