प्रधानमन्त्रीको सल्लाहकार र सचिवालयमा व्यापक हेरफेरको तयारी

काठमाडौं – सरकार गठनको एक वर्ष पुगे पछि मन्त्रीपरिषदमा व्यापक फेरबदल गर्ने तयारी गरेका प्रधानमन्त्री पुष्पकमल दाहालले आफ्नो सचिवालय समेत पुरै फेरबदल गर्ने तयारी गरेका छन ।

बालुवाटार श्रोतका अनुसार सल्लाहकार र स्वकिय सचिवालय टोली परिवर्तन गर्ने तयारी छ । प्रधानमन्त्रीको मनस्थिति बुझे पछि धेरै जसो सल्लाहकारले राजिनामा दिने तयारी गरेका छन ।

राजनितिक सल्लाहकार हरिवोल गजुरेलले यस अघि नै राजिनामा दिइसकेका छन ।प्रधानमन्त्रीले नयाँ राजनितिक सल्लाहकारमा चक्रपाणी खनाललाई ल्याउने तयारी गरेका छन । अन्य सल्लाहकार र सचिवालयमा रहनेहरुको खोजि भइरहेको वालुवाटार स्रोतले जनाएको छ ।