उपमेयरमा निर्वाचित तामाङले दिए मतदातालाई धन्यवाद

काठमाडौं– नेपाली कांग्रेसबाट टोखा नगरपालिकामा उपमेयर पदमा विजयी भएका मुरारी तामाङले आफुलाई मतदान गर्ने सम्पूर्ण मतदाताहरुमा कृतज्ञता प्रकट गरेका छन् । उनले सामाजिक सञ्जालबाट निर्वाचनको समयमा आफु र पार्टीले गरेको प्रतिबद्धताहरु पुरा गर्ने प्रण पनि गरेका छन् ।

हार्दिक आभार तथा कृतज्ञता

हार्दिक आभार तथा कृतज्ञता ! स्थानिय तहको निर्वाचनमा मलाई आफ्नो अमुल्य मत दिएर उपमेयर पदमा निर्वाचित गराउँनु भएकोमा सम्पूर्ण टोखा बासी आमाबुबा, दाजुभाई तथा दिदिबहिनीहरुमा हार्दिक आभार तथा कृतज्ञता प्रकट गर्दछु ।

साथै टोखा नगरपालिकाको मेयरमा निर्वाचित प्रकाश अधिकारी सहित विभिन्न तहमा निर्वाचित सबै साथीहरुमा बधाई तथा सफल कार्यकालको शुभकामना व्यक्त गर्दछु ।

आदरणीय मतदाताज्युहरु ! मैले र मेरो पार्टी नेपाली कांग्रेसले निर्वाचनको बेला तपाईहरु सामु गरेको प्रतिबद्धताहरु पुरा गर्दै जाने प्रण गर्न चाहान्छु । जन प्रतिनिधिका रुपमा अबको पाँच वर्ष नगरको समग्र विकासमा इमनदारीताका साथ समर्पित हुने प्रतिवद्धता पुनः जाहेर गर्न चाहन्छु । आगामी दिनहरुमा पनि तपाईहरुको साथ, सहयोग, माया र मार्गदर्शनको अपेच्क्षा गरेको छु ।

धन्यवाद, जय नेपाल
तपाईको मुरारी तामाङ