काठमाडौं– सरकारी चिकित्सक संघले जलेश्वर अस्पतालका मेडिकल सुपरिटेन्डेन्ट डा. सतिश साहलाई कुटपिट गरी गम्भीर घाइते बनाउनेहरूविरुद्ध कडा कारबाहीको माग गरेको छ ।
संघले आज विज्ञप्ति जारी गर्दै डा. साहमाथि कुटपिट गर्नेहरूविरुद्ध मानवअधिकार हनन, ज्यान मार्ने प्रयास र अत्यावश्यक सेवामा अवरोधको मुद्दा चलाउन माग गरेको छ । उनीहरूलाई नियमानुसार गैरजमानी हिरासतमा राखी कारबाही गर्न पनि संघले माग गरेको छ ।
राष्ट्रियसभा सदस्य निर्वाचनका क्रममा बुधबार धनुषामा डा. सीके राउत नेतृत्वको जनमत पार्टीका कार्यकर्ताले डा. साहको गाडी तोडफोड गरी उनलाई कुटपिट गरेका थिए ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
