राष्ट्रिय जनगणनाको तयारी पुरा , तीन महिनामा प्रारम्भिक नतिजा

काठमाडौँ – तथ्याङ्क विभागले राष्ट्रिय जनगणना २०७८ को तयारी पूरा गरेको जनाएको छ । यही कात्तिक २५ गतेदेखि आउँदो मङ्सिर ९ गतेसम्म हुने गणनाका लागि ४० हजार गणक र आठ हजार १६ जना सुपरीवेक्षकलाई तालिम दिइसकिएको विभागका महानिर्देशक नेबिनलाल श्रेष्ठले बताए ।
संकलन गरिएका व्यक्तिगत विवरण गोप्य रहने महानिर्देशक श्रेष्ठले बताए । घर तथा घरपरिवार लगत सूचीकरणका लागि २५, मुख्य ५५ र पहिलो पटक सामुदायिक प्रश्नावलीसहित ८० वटा प्रश्न समावेश गरिएको छ ।
कात्तिक २५ गतेदेखि आउँदो मङ्सिर ९ गतेसम्म हुने जनगणनाको प्रारम्भिक नतिज आउन तीन महिना लाग्ने छ भने पूर्ण नतिजा आउन एक वर्ष लाग्ने छ ।
मिडिया एक्सन नेपाल (म्यान) ले आयोजना गरेका कार्यक्रममा महानिदेशक श्रेष्ठ , वरिष्ठ पत्रकार ध्रुवहरि अधिकारी,लक्ष्मण दल पन्त लगाएतका वक्ताले जनगणनामा मिडियाको भूमिकाका वारेमा चर्चा गरेका थिए ।