देशभर हल्का देखी भारी बर्षाको सम्भावना , सुदरपश्चिम डुबानमा

काठमाडौं – आज काठमाडौं उपत्यका सहित देशैभर हल्का देखी भारी वर्षाको सम्भावना रहेको मौसम पूर्वानुमान महाशाखाले जनाएको छ । आइतवार देखी सुदुर पश्चिम प्रदेशमा भारी वर्षा भएको छ ।शारदा ब्यारेजमा आवागमनमा रोक लगाइएको छ । महाकाली नदीमा आएका वाढीले सैयौ घर डुवानमा परेका छन ।

महासाखाका अनुसार देशभर सामान्य देखि पूर्ण बदली रहने छ। प्रदेश १, प्रदेश न २, लुम्बिनी प्रदेश, कर्णाली प्रदेश र सुदूरपश्चिम प्रदेशका धेरै स्थानहरुका साथै बागमती प्रदेश र गण्डकी प्रदेशका केहि स्थानहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ ।
देशका उच्च पहाडी तथा हिमाली भूभागहरुका केहि स्थानहरुमा हल्का देखि मध्यम हिमपातको समेत सम्भावना छ । सुदूरपश्चिम प्रदेश र प्रदेश न १ का केही स्थानहरु र प्रदेश न २, लुम्विनी र कर्णाली प्रदेशका थोरै स्थानहरू तथा वागमती प्रदेशका एक दुई स्थानहरुमा भारी वर्षाको समेत सम्भावना रहेको छ।