कपिलवस्तुका तीन पालिकाले पाए ६० लाख बराबारको स्वास्थ्य सामग्री

कपिलवस्तु – कपिलवस्तुका तीनवटा पालिकाले कोरोनाभाइरसविरुद्ध लड्न ६० लाख रुपैयाँभन्दा बढी मूल्य बराबरको स्वास्थ्य सामाग्री पाएका छन् ।

लुम्बिनी एकीकृत विकास संस्थाको सहयोगमा बाणगंगा नगरपालिकाकालाई २४ लाख, कपिलवस्तु अस्पताललाई २४ लाख र शुद्धोदन गाउँपालिकालाई १२ लाख बराबरका स्वास्थ्य सामग्री प्रदान गरिएको संस्थाका निर्देशक सुनिता बेल्वासेले बताइन् ।

यसैगरी, संस्थाले बाणगंगा नगरपालिकाका स्वास्थ्य संस्था र विद्यालयमा गरी १८ वटा हात धुने स्थल, सुद्धोदन गाउँपालिकामा १८ र कपिलवस्तु नगरपालिकाका २ विद्यालयमा हात धुने स्थल निर्माण गरेको छ ।

कोभिडबाट प्रभावित भएका कपिलवस्तुका दुई पालिकाका १५ सय अति विपन्न परिवारलाई राहत स्वरुप खाद्यान्नसमेत वितरण गरिएको थियो । न्युजकारखाना