कालिगण्डकी करिडोरमा ट्रक दुर्घटना हुँदा ३ जनाको मृत्यु

नवलपुर– नवलपुरको गैंडाकोट र बुलिङटार गाउँपालिकाको सीमा क्षेत्रमा पर्ने कालिगण्डकी करिडोरमा ट्रक दुर्घटना हुँदा ३ जनाको मृत्यु भएको छ।
गैंडाकोट नगरपालिका–३ स्थित कालिगण्डकी करिडोरअन्तर्गतको भोक्रोफाँट टोलको २६ किलोमिटर भन्ने स्थानको सेतो पहराबाट ट्रक खसेको हो। ना ३ ख ५३३९ नम्बरको ट्रक करिब २ सय मिटर तल खस्दा ३ जनाको घटनास्थलमै मृत्यु भएको छ।
लोहनी कन्स्ट्रक्सनको सिमेन्ट बोक्ने ट्रक बुलिङटार गाउँपालिकाको खामबेंसीबाट फर्कदै गर्दा दुर्घटनामा परेको हो। घटनास्थलमा ३ जना पुरुषको शव फेला परेको हो ।
मृतकको परिचय खुलिसकेको छैन। घटनास्थल पूर्व पश्चिम राजमार्गदेखि करिब ३५ किमिको दूरीमा पर्छ।