काठमाडौं – मच्छिन्द्रनाथको रथ तान्ने क्रममा भएको झडपमा ट्राफिक प्रहरी कमल घिमिरेलाई निर्धात कुटपिट गर्ने ९ युवालाई प्रहरीले पक्राउ गरेको छ । पक्राउ पर्नेमा ललितपुर महानगरपालिका वार्ड नं. १६ का महेश बज्राचार्य, पृथ विन्दु मर्हजन, अशोक मर्हजन, रवि शाक्य, रविन शाक्य, सुविन शाक्य, ध्रुवराज बज्नाचार्य, श्याम श्रेष्ठ र यादवलाल कायस्थ रहेको ललितपुर प्रहरी परिसरले जनाएको छ । आज मच्छिन्द्रनाथको रथ तान्ने क्रममा प्रहरीले रोकेपछि झडप भएको थियो । सोहि क्रममा केहि युवाले ट्राफिक प्रहरी घिमिरेमायी निर्धात कुटपिट गरेका थिए । उनको उपचार भइरहेको छ ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
