कोरोनाबाट बच्न र लकडाउन फलदायी बनाउन प्रधानमन्त्रीको पाँच टिप्स

काठमाडौ – प्रधानमन्त्री केपी शर्मा ओलीले राष्ट्रका नाममा सम्बोधन गरेका छन । आफ्नो सम्बोधनमा प्रधानमन्त्रीले कोरोना नियन्त्रणमा सरकारले गरेको प्रयासबारे आश्वस्त पार्ने प्रयास गरेका छन । भारतबाट आउने नेपालीहरुको सहि व्वस्थापन गर्न नसक्दा संक्रमण बढेको स्वीकार गरेका छन । उनले विदेशमा रहेका नेपालीलाई स्वदेश ल्याउने प्रबन्ध मिलाइने बताएका छन । प्रधानमन्त्रीले अशक्तलाई राहत र अन्यलाई काम दिने उल्लेख गरे । प्रधानमन्त्रीले कोरोना वाट सुरक्षित रहन र लकडाउनलाई उपयोगी बनाउन पाँच टिप्स समेत दिएका छन –

पहिलो –  यस महामारीसँग लड्दै निरोगी नेपाल निर्माणमा आफूलाई तयार राख्न उपलब्ध आहारलाई स्वच्छ र सन्तुलित बनाऔं ।
दोस्रो – लकडाउनको समयमा उपलब्ध फुर्सदलाई स्वस्थ रहन उपयोग गरौं । शारिरीक र स्वास प्रस्वासको चुस्तताको लागि घरैभित्र व्यायामलाई निरन्तरता दिऔं ।
तेस्रो – भाइरस फोहरमा रमाउँछ, आफ्नो शरीर र बासस्थान दुवैको सरसफाइमा एकदमै ध्यान दिऔं ।
चौथो- स्वस्थ रहनका लागि पर्याप्त आराम आवश्यक छ, यसमा ध्यान दिऔं ।
पाँचौं- उच्च मनोबल कायम राखौं । भय र त्रास, चिन्ता र आशंकाले रोगव्याधीविरुद्धको लडाइँमा कमजोर तुल्याउँछ ।