चार राजदूतलाई दिइयो थप जिम्मेवारी

काठमाडौँ – सरकारले चार राजदूतलाई थप जिम्मेवारी दिएको छ । राष्ट्रपति विद्यादेवी भण्डारीले नेपालको संविधानको धारा २८२ को उपधारा (१) बमोजिम मन्त्रिपरिषदको सिफारिसमा उनीहरुलाई गैरआवासीय नेपाली राजदूत पदमासमेत नियुक्त गरिएको हो ।
मलेसियाका लागि नेपाली राजदूत उदयराज पाण्डे, फ्रान्सका लागि नेपाली राजदूत दीपकराज अधिकारी, अष्ट्रेलियाका लागि नेपाली राजदूत महेशराज दाहाल र स्वीट्जरल्याण्डका लागि नेपाली राजदूत मणिप्रसाद भट्टराईलाई सरकारले थप जिम्मेवारी दिएको हो ।
जसअनुसार पाण्डेलाई गणतन्त्र फिलिपिन्सका लागि, अधिकारीलाई मोनाकोका लागि, दाहाललाई न्यूजिल्याण्डका लागि र भट्टराईलाई इटलीका लागि गैरआवासीय राजदूतको जिम्मेवारी थपिएको हो ।