कृष्णनगरमा लगाइएको कर्फ्यु हट्यो

बुटवल – कपिलवस्तुलको कृष्णनगरमा बिहीबारदेखि लगाएको कर्फ्यु शनिबार बिहानदेखि जिल्ला प्रशासन कार्यालयले हटाएको छ ।
शनिबार बिहान ६ बजेदेखि कृष्णनगर बजार क्षेत्रमा लगाइएको कर्फ्यु हटाइएको जिल्ला प्रशासन कार्यालयद्धारा जारी विज्ञप्तीमा जनाइएको छ ।
१० बुँदे सहमतिसँगै कृष्णनगरको तनाव साम्य भएकाले कर्फ्यु हटाइएको छ ।
बुधबार लक्ष्मीपूजाको मूर्ति विसर्जनको क्रममा कृष्णनगरमा विवाद भएको थियो । प्रदर्शनका क्रममा प्रहरीले चलाएको गोली लागेर कृष्णनगरमा व्यवसाय गर्दै आएका २० वर्षीय सुरजकुमार पाण्डेका ज्यान गएको थियो । अवस्था तनावग्रस्त बनेपछि प्रशासनले बिहीबार बिहानदेखि कृष्णनगरमा कर्फ्यु लगाएको थियो ।