रौतहटमा प्रहरीको गाडी दुर्घटना हुँदा ६ प्रहरीसहित ११ जना घाइते

रौतहट– रौतहटमा प्रहरीको भ्यान दुर्घटना हुँदा ११ जना घाइते भएका छन् ।
थुनुवाको म्याद थपका लागि गौर जाँदै गरेको इलाका प्रहरी कार्यालय चन्द्रनिगाहपुरको ना १ झ ५३८९ नम्बरको भ्यान मंगलबार दिउँसो चन्द्रनिगाहपुरस्थित बाल्चनपुर चोकमा दुर्घटना हुँदा ११ जना घाइते भएका हुन् ।
घाइते हुनेमा ५ जना कैदी र ६ जना प्रहरी रहेका छन् । जसमा दुई प्रहरी जवान सञ्जय कार्की र अजय साह गम्भीर घाइते भएका छन् भने दुई थुनुवा रमेश चौधरी, निर्मला साहपनि गम्भीर घाइते भएका छन् ।
उनीहरुलाई उपचारका लागि वीरगञ्ज पठाइएको छ ।
त्यसैगरी सामान्य घाइते भएकाहरु ४ प्रहरी र ३ थुनुवाको चन्द्रनिगाहपुरस्थित स्थानीय अस्पतालमा उपचार भइरहेको जिल्ला प्रहरी कार्यालय रौतहटले जनाएको छ ।