काठमाडौं – आज असार १५ राष्ट्रिय धान दिवस मनाइएको छ । मानो रोपेर मुरी फलाउने पर्वको रूपमा असार १५ लाई लिने गरिन्छ । नेपाल ट्रेड युनियन कांग्रेसको आयोजनामा टोखाको ग्रिनल्याण्डमा रोपाई कार्यक्रम आयोजना गरियो ।
कार्यक्रममा नेपाली कांग्रेसका केन्द्रीय सदस्य जितजंग बस्नेतले नेपाल कृषि प्रधान देश भए पनि कृषक समस्या सम्बोधन हुन नसकेको बताए । उनले कृषकलाई विउ, मल, उपकरण र ज्ञान सिप उपलब्ध गराउन राज्यको ध्यानार्कष्ण गराए । उत्पादनमा जोड दिँदै बस्नेतले कृषि पेशा सम्मानित भएको उल्लेख गरे ।
ट्रेड युनियन कांग्रेसका युवा नेता रत्न मर्हजनले धान दिवसको महत्व दर्शाउन कार्यक्रमको आयोजना गरिएको बताए ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
