सर्वोच्चद्वारा नेकपा विवादमा निस्सा दिन अस्वीकार

काठमाडौं– सर्वोच्च अदालतले नेकपा विवाद बारेको पुनरावेदन निवेदनमा निस्सा दिन अस्वीकार गरेको छ । अदालतले पहिलेकै फैसला सदर पनि गरेको छ ।
नेकपाको दर्ता खारेज गर्ने सर्वोच्च अदालतको फैसला पुनरावलोकनका लागि माओवादी केन्द्रका अध्यक्ष पुष्पकलम दाहाल‘प्रचण्ड’ प्रचण्डले मंगलबार रिट दायर गरेका थिए । सो मुद्दा प्रधानन्यायाधीश चोलेन्द्र शमशेर जबराको नेतृत्वमा न्यायाधीशद्वय तेजबहादुर केसी र प्रकाशकुमार ढुंगानाको पूर्ण इजलासमा आज चढेको थियो ।
तर अदालतले फागुन २३ कै फैसलालाई सदर गर्दै निस्सा दिन अस्वीकार गरेको हो ।
सर्वोच्च अदालतले फागुन २३ गते तत्कालीन नेपाल कम्युनिस्ट पार्टी(नेकपा) लाई विघटन गरी एमाले र माओवादी केन्द्र पूर्ववत अवस्थामा ब्युँताउने फैसला गरेको थियो ।